काठमाडौं । ‘हिम चितुवा’ को उपनामले परिचित विश्व कीर्तिमानी हिमाल आरोही आङरिता शेर्पाको राष्ट्रिय सम्मानका साथ अन्तिम विदाई गरिएको छ । 

लामो समयदेखि बिरामी रहेका आङरिताको ७२ वर्षको उमेरमा सोमबार निधन भएको थियो । उनको बुधबार राष्ट्रिय सम्मानका साथ अन्त्यष्टि गरिएको छ । शेर्पाको पार्थिव शरीरमा पर्यटन, संस्कृति तथा नागरिक उड्डयनमन्त्री योगेश भट्टराईले राष्ट्रिय झण्डा ओढाएर सम्मान व्यक्त गरेका थिए । त्यस्तै सशस्त्र प्रहरीको एक टुकडीले शेर्पाप्रति सलामी अर्पण गरेको थियो ।

बोतलको अक्सिजनबिना १० पटक सगरमाथा आरोहण गरेर कीर्तिमान कायम गरेका शेर्पाको २००५ सालमा सोलुखुम्बुको हिलाजुङ (हाल पासाङल्हामु गाउँपालिका– थामे) मा जन्मिएका थिए ।