ललितपुर । ललितपुरको पुल्चोकबाट आइतबार रातो मच्छिन्द्रनाथको रथ तानिएको छ । कोरोनाको कारणले रथ तान्‍न कुरामा लामो समयदेखि सरकारसँग विवाद र बिहीबार आएर प्रहरी र स्थानीयबीच झडप भएको थियो । 

आइतबार शुभ साइत हेरि विधिवतरुपमा रातो मच्छिद्रनाथको रथ तानेको हो । रथ तानेर पुल्चोकको सोह्र खुट्टेमा पुर्‍याएर सम्पन्‍न गरेको छ । रथ तान्‍नका लागि प्रशासनले निश्‍चित मापदण्डहरु र सहभागी हुन पाउने संख्या तोकेको थियो ।