काठमाडौं । आज ‘श्रीकृष्ण जन्माष्टमी’ पर्व आज देशभर भगवान् श्रीकृष्णको पूजा-आराधना गरी मनाइँदै छ । 

ज्ञानयोग, कर्मयोग र भक्तियोगका प्रणेता  श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ । 

यस दिन देशभरिका कृष्ण मन्दिरमा भगवान् श्रीकृष्णको पूजा-आराधना, प्रवचन, भजनकीर्तन गर्नाका साथै विशेष गरी महिला, पुरुष ‘व्रत’ बसी रातभर जाग्राम बस्‍ने चलन छ । अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा जन्मिएका श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गरेका थिए । 

कोरोना संक्रमणको जोखिम बढेसँगै देशैभर रहेका कृष्ण मन्दिरहरुमा भक्तजनहरु फाट्टफुट्ट रुपमा मात्रै पुगे । काठमाडौंको हनुमानढोकास्थित कृष्ण मन्दिरमा पनि भक्तजनहरु पुगेर पूजा गरेका छन् । हेरौं कृष्ण मन्दिरमा पूजाका लागि पुगेका भक्तजनका थप तस्बिर :