काठमाडौं । १३ औं दक्षिण एसियाली खेलकुद प्रतियागिता (साग) को पुरस्कार रकम मध्ये पाँच करोड खेलाडीहरुको खातामा पुगिसकेको राष्ट्रिय खेलकुद परिषद्‍का सदस्यसचिव रमेशकुमार सिलवालले बताएका छन् ।

उनले खेलकुद मन्त्रालयले ३० गतेसम्म पाँच करोड रुपैयाँ खेलाडीको खातामा गएको र आजको बाँकी रकम पढाउने कार्यक्रम रहे तापनि सर्भर डाउन हुँदा खेलाडीको खातामा रकम भोलिसम्ममा पुग्ने बताएका छन् । 

“पाँच करोड रुपैयाँ ३० गेतसम्म खेलाडीको खातामा पुगिसकेको छ । बाँकी रकम मंगलबार पठाउने कुरा भएको थियो । मन्त्रालयको सर्भर डाउन भएर पैसा पठाउने कम हुन सकेन । बुधबारसम्ममा सबै खेलाडीको खातामा पैसा पुग्नेछ,” शिलवालले बह्रखरीसँगको कुराकानीमा भने । 

सागमा व्यक्तिगत स्पर्धाका स्वर्ण पदक विजेतालाई ९ लाख, रजत जित्नेलाई ६ लाख र कास्य जित्नेलाई ३ लाख रुपैयाँ दिने घोषणा गरेको थियो । एकभन्दा बढी स्वर्ण जित्ने खेलाडीलाई ११ लाखका दरले पुरस्कार रकम दिने सरकारको घोषणा गरेको थियो ।

त्यस्तै टिम इभेन्ट्का स्वर्णधारी खेलाडीले ६ लाख पाउने भएका छन् । यस्तै, रजतले ४ र कास्य जित्नेले २ लाख रुपैयाँ पाउने भएका छन् । नेपालले १३ औं सागमा ५१ स्वर्ण, ६० रजत र ९५ कास्य पदक गरि कुल २०६ पदक जितेको थियो ।

सागमा पदक जित्ने खेलाडीहरुको सख्या ४९१ रहेको छ । १३७ जना प्रशिक्षक रहेका छन् ।