जनकपुर । विरगंजको छपकैयास्थित मस्जिदमा केही हप्तादेखि आश्रय लिइरहेका तीन जना जमातिमा कोरोना संक्रमण भएको पुष्टि भएपछि उक्त क्षेत्रलाई सिल गर्ने तयारीमा स्थानीय प्रशासन जुटेको छ ।

विरगंजको छपकैयास्थित उक्त मस्जिदमा फागुनदेखि नै बस्दै आएका उनीहरुको स्वाब जाँचका लागि नारायणी अस्पतालले हेटौंडा पठाएको थियो । त्यहाँको रिपोर्टले संक्रमित देखिएपछि थप पुस्टिको लागि काठमाडौंस्थित टेकु अस्पताल पठाइएकोमा आइतबार त्यहीँबाट पनि पुष्टि भएको पर्साका प्रमुख जिल्ला अधिकारी विष्णु कार्कीले जनाए । 

हेटौंडा अस्पतालले ३३ जनाको स्वाब जाँच गर्दा तीन जनाको रिपोर्टमा संक्रमण पुष्टि भएको हो । उक्त रिपोर्ट सार्वजनिक भएलगत्तै उनीहरु बस्ने मस्जिदका २६ जनालाई तत्काल नजिकै रहेको सिदार्थ माविमा सञ्चालित क्वारेन्टाइनमा राखिएको छ भने मस्जिद क्षेत्रलाई सिल गर्न लागिएको प्रजिअ कार्कीले बताए ।
फाइल तस्बिर