पोखरा । पोखरामा रहेको नवदुर्गा फोम हाउससहितको मिनिमार्केटमा आगलागी भएको छ । मिनिमार्केट भित्र रहेको खाजा पसलबाट आगो सल्किएको प्रहरीको प्रारम्भिक अनुमान छ । आगलागीबाट मार्केटभित्र रहेका १२ वटा पसलमा क्षति पुगेको बताइएको छ । फोमभित्र आगो लागेका कारण नियन्त्रणमा लिन निकै सकस परेको छ । आगो नियन्त्रणका लागि पोखरा महानगरका चारवटा दमकलसहित २० भन्दा बढी ट्यांकर परिचालन गरिएका छन् ।

नेपाली सेना, सशस्त्र प्रहरी र नेपाल प्रहरीसहित सयौं सुरक्षाकर्मी आगलागी भएको ठाउँमा पुगेका छन् । आगो भने अहिले नियन्त्रणमा आइसकेको छ । आगलागीका कारण १० करोडको क्षति भएको प्रारम्भिक अनुमान छ ।