काठमाडौं । काठमाडौंमा जारी वाईवाई एभरेष्ट प्रिमियर लिग (ईपीएल) क्रिकेटमा कलर्स एक्स फ्याक्टर्सले जित हासिल गरेको छ । शुक्रबार भएको रोमाञ्चक खेलमा कलर्सले जगदम्बा राइनोजलाई सुपर ओभरमा पराजित गरेको हो ।

कीर्तिपुरस्थित टियू मैदानमा कलर्सले दिएको ११२ रनको लक्ष्य पछ्याएको जगदम्बा राइनोजले निर्धारित २० ओभरमा ९ विकेट गुमाएर १ सय १२ रन नै बनाएपछि खेल बराबर भएर सुपर ओभरमा गएको थियो । सुपर ओभरमा जगदम्बाले लागि १० रन मात्र बनायो । उसका सोमपाल कामीले ८ रन बनाए । सुपर ओभरमा कलर्सका सिद्धान्त लोहनीले पहिलो बलमा छक्का हाने । त्यसपछि दोस्रो बलमा १ रन हानेर लोहनीले कप्तान ज्ञानेन्द्र मललाई स्ट्राइक दिए । ज्ञानेन्द्रले तेस्रो र पाचौँ बलमा दुई दुई रन बनाएर खेल आफ्नो पक्षमा पारे ।

यसअघि टस जितेर ब्याटिङ रोजेको कलर्सले २० ओभरमा ८ विकेट गुमाएर ११२ रन बनाएको थियो  । उसका लागि कप्तान मल्लले २९, राजेश पुलामीले २९ तथा सिद्धान्त लोहनीले १९ रन बनाए । जगदम्बाका सोमपाल कामी र निजामुद्धिन हलुवाईले तीन तीन विकेट लिए । 

कलर्सले दिएको ११३ रनको लक्ष्य पछ्याएको जगदम्बाले पनि २० ओभरमा ९ विकेट गुमाएर ११२ रन नै बनाएको हो । उसका लागि महेश क्षेत्रीले २२, अमित श्रेष्ठले १५ तथा सोमपालले बनाए । कलर्सका सञ्जम रेग्मीले चार तथा योगेन्द्र सिंह कार्कीले दुई विकेट लिए ।

जितसँगै कलर्सले ६ अंक जोडेर लिगको दोस्रो स्थानमा उक्लिएको छ । कलर्सले ४ खेलबाट तीन जित निकालेको हो । जगदम्बाको यो लगातार तेस्रो हार हो ।