काठमाडौं । नेपाल साफ यु–१५ महिला फुटबल च्याम्पियनसिपबाट बाहिरिएको छ । भारतसँग नेपाल सेमिफाइनलमा २–१ गोलअन्तरले पराजित हुँदै बाहिरिएको हो । थिम्पुस्थित चाङलिमिथाङ मैदानमा खेलको दोस्रो हाफमा भारतलाई रोक्न नसक्दा नेपाल हारको सिकार बन्यो । भारतसामु नेपालले उत्कृष्ट प्रदर्शन गरेपनि रोक्न भने सकेन ।
खेलको ३१ औं मिनेटमा ल्यान्ड कोमले गोल गर्दै भारतलाई अग्रता दिलाएकी थिइन् । त्यस्तै, त्यसको ६ मिनेटपछि नै नेपालकी रजनी थोकरले गोल गर्दै १–१ गोलको बराबरीमा पु¥याएकी थिइन् ।
पहिलो हाफमा १–१ गोलको बराबरीमा रोकिएको भारतले दोस्रो हाफमा थप १ गोल गर्दा नेपालले भने गोल गर्न सकेन । नेपालले खेलको ७५औं मिनेटमा गोल खान पुग्यो । भारतका लागि खेलको ७५ औं मिनेटमा क्रिटिना देवीले गोल २–१ गोलको अग्रता दिलाएकी थिइन् ।
नेपाललाई पराजित गरेको भारतले फाइनलमा अब आयोजक भुटान र बंगलादेशबीचको विजेतासँग उपाधिका लागि प्रतिस्पर्धा गर्नेछ ।