काठमाडौं । सप्तरी क्रिकेट संघको आयोजनामा प्रथम मेयर कप सप्तरी प्रिमियर लिग प्रतियोगिता सुरु भएको छ । प्रतियोगिताको उद्घाटन खेलमा बोदे बर्साइन थन्डरले तिलाठी कोइलाडी महिन्द्रा हिरोजलाई ४ रनले पराजित गरेको छ ।
टस जितेर ब्याटिङ गरेको सिद्धान्त लोहनी कप्तान रहेको बोदे बर्साइनले १९.१ ओभरमा ८६ रन बनाउन सक्यो । जवाफमा ८७ रन लक्ष्य पछ्याउने क्रममा जित नजिक पुगेको तिलाठी कोइलाडी ४ रनले चुक्न पुग्यो ।
अन्तिम ओभरमा जितको लागि २४ रन आवस्यक रहँदा तिलाठी कोइलाडीका ब्याट्सम्यान विकास दासले लेग स्पिनर बिक्रम भुसालको पहिलो २ बलमा तथा ओभरको चौथो बलमा छक्का प्रहार गर्दै खेल रोमाञ्चक स्थितिमा पुर्याएका थिए । अन्तिम २ बलमा ६ रन आवस्यक रहंदा पाँचौ बलमा रन बनेन भने अन्तिम बलमा विकासले १ रन मात्रै बनाउन सक्दा मेहबुब आलम कप्तानीको टिमले हार बेहोर्न बाध्य भयो ।
पहिलो इनिंगमा बोदे बर्साइनको लागि रोहन बिकले सर्वाधिक १८ रन तथा सन्दीप ढुंगानाले १३ रन बनाएका थिए । तिलाठीका बलर घनश्याम साहले ४ विकेट तथा दिब्यान्शु मालिक र मेहबुब आलमले समान २–२ विकेट लिए । दोश्रो इनिङमा तिलाठीका ब्याट्सम्यान विकास दासले अविजित २४ रन तथा मिनास थापाले १५ रन बनाए ।
प्रतियोगिताअन्र्तगत शुक्रबार सिद्धान्त लोहनी कप्तानीको बोदे बर्साइन थन्डर र हसिम अन्सारी कप्तानीको बजाज खडक वारियार्सबीच प्रतिस्पर्धा हुनेछ । ३ टिम सहभागी प्रतियोगिताको खेलाडीहरु अक्सनमार्फत चयन गरिएको थियो ।