महेन्द्रनगर । त्रिभुवन आर्मी क्लबका रत्नजित तामाङ्ग राखेप च्याम्पियनसिप अन्तर्गतको ३९ औं राष्ट्रिय ब्याडमिन्टन प्रतियोगिताको पुरुष एकलको उपाधि नजिक पुगेको छ । शुक्रबार भएको सेमिफाईनलमा सुदूरपश्चिमका उदियमान खेलाडी प्रिन्स दाहाललाई हराउदै रत्न फाइनलमा पुगेका हुन् ।
महेन्द्रनगरस्थित कभर्डहलमा प्रतिस्पर्धात्मक खेलमा पहिलो सेट प्रिन्स दाहालले २१ – १५ ले जितेका थिए । तर, दोस्रो सेटमा रत्नमाथि १५–१४ को अग्रता कायम गरेको अवस्थामा कोर्टमा प्रिन्स घाईते भए । कोर्टमा लडेर घाइते भएका प्रिन्स दोस्रो सेटमा रत्नसँग २१–१५ अंकले पराजित भए । अन्तिम तथा निर्णायक खेलमा रत्न ८ – ३ ले अघि रहेका बेला प्रिन्सले खेल छाडेपछि रत्न फाइनलमा पुगेका हुन् ।
अब रत्नले उपाधिको लागि एपिएफका दिपेश धामीसँग खेल्ने छ । धामीले आर्मीका नविन श्रेष्ठलाई २१–१३, २१–९ले पाखा लगाउंदै रत्नसंगको भेट पक्का गरेका हुन् ।
महिला एकलमा आर्मीकी नङ्गशल तामाङ्गले एपिएफकी शिक्क्षा श्रेष्ठसंग फाईनलमा खेने भएकी छिन् । नङ्गशलले एपिएफकी शोभा गौचनलाई २१–१३, २१–११ले पाखा लगाईन् । यस्तै शिक्षाले आर्मीकी अमिता गिरी माथि २२–२०, २१–१५ को जित निकालिन ।
यस्तै पुरुष जोडी तर्फको खेलमा आर्मीका रत्नजित र नविन श्रेष्ठको जोडलिे फाईनलमा उपाधीको लागि एपिएफका दिपेश धामी र विजित थापामगरको जोडी संग प्रतिस्पर्धा गर्ने भएको छ । तामाङ्गको जोडीले सेमिमा एपिएफका साजन कृष्ण ताम्राकार र सुदीप सेंढाईको जोडीलाई २१–१५, २१–१५ को समान अन्तरले पराजत गर्दै फाईनmल प्रवेश गरेका हुन् । यस्तै दिपेशको जोडीले आर्मीका सुरोज महर्जन र प्रफुल महर्जनको जोडीलाई २२–२०, २१–१७ ले पराजित गरे ।
महिला जोडी तर्फको खेलमा एपिएफकी पुजा श्रेष्ठ र शिक्ष श्रेष्ठको जोडी फाईन पुगे । श्रेष्ठ जोडीले आर्मीका अमिता गिरी र रशिला महर्जनको जोडीलाई २१–९, २१–८ले पाखा लगाउंदै फाईनलमा आर्मीका नङ्गशल र अनुमायाको जोडी संग भेट पक्का गरे । नङ्गशल र अनुको जोडीले पूर्वाञ्चलका जेशिका गुरुङ्ग र सुनैना मुखियाको जोडीलाई २१–१५, २३–२५ र २१–१९ को जित निकाले ।
त्यस्तै मिस्क जोडी तर्फको खेलमा आर्मीका नङ्गशल र रत्न दिदिभाईको जोडीले एपिएफका साजन कृष्ण ताम्रकार र शिक्षा श्रेष्ठको जोडीलाई २१–१८, २१–११ले र एपिएफका विजित थापा मगर र शोभा गौचनको जोडीले आफ्नै क्लबका दिपेश धामी र पुजा श्रेष्ठको जोडीलाई २१–१४, १६–२१, २१–१८ले पराजित गर्दै फाईनल भेट पक्का गरेका छन् ।