ad

खेल

चेल्सी लेष्टरसँग बराबरीमा रोकियो 

चेल्सी लेष्टरसँग बराबरीमा रोकियो 

एजेन्सी । इंग्लिश प्रिमियर लिग फुटबलमा साबिकको बिजेता चेल्सी बराबरीमा रोकिएको छ । शनिबार राति भएको खेलमा चेल्सी १० खेलाडीमा सिमित लेष्टर सिटीसँग गोलरहित बराबरीमा रोकिएको हो ।

घरेलु मैदानमा भएको खेलमा पाएको केहि मौका गुमाउदा चेल्सी बराबरीमा रोकिन बाध्य भएको हो । बल पोजिसनमा पकड जमाएपनि  गोल गर्न नसक्दा चेल्सी पछिल्लो तीन खेलमा लगातार बराबरी खेल्न बाध्य बनेको हो ।

खेलमा लेष्टरले पनि चेल्सीको पोष्टमा केहि उकृष्ट प्रहारहरु गरेको थियो । तर, गोलमा परिणत हुन् नसक्दा दुवै टोलीले बराबरी खेल्दै अंक बाडेका हुन् । खेलको ६९ औं मिनेटमा बेन चिलवेलले दोहोरो पहेलो कार्डसहित रातो कार्ड पाएर मैदानबाट बाहिरिदा लेष्टर १० खेलाडीमा सिमित भएको थियो । तर, चेल्सीले लेष्टर १० खेलाडीमा सिमित भएको फाइदा उठाउन सकेन । 

यो बराबरीपछि चेल्सीले लिगको दोस्रो स्थानमा उक्लने मौका समेत गुमाएको छ । लिगको तेस्रो स्थानको चेल्सीको ४७ अंक छ । लिगको शिर्ष स्थानको म्यानचेस्टर सिटीको ६२ र दोस्रो स्थानको म्यानचेस्टर युनाइटेडको ४७ अंक रहेको छ । आठौं स्थानको लेष्टर सिटीको ३१ अंक छ ।

प्रिमियर लिग अन्तर्गत शनिबार राति वेष्ट ह्यामले हर्डसफिल्ड टाउनलाई ४ – १ वेष्ट ब्रुमले ब्राइटनलाई २ – ० ले र क्रिस्टल प्यालेसले बर्नलीलाई १ – ० ले पराजित गरेको छ । वाट्फोर्ड र साउथ ह्याम्पटनले २ – २ गोलको बराबरी खेल्दा न्युकासल र स्वान्सीले १ – १ गोलको बराबरी खेलेको छ ।
 

तपाईंको मत