काठमाडौं । बलिउड स्टार शाहिद कपूर यति बेला आफ्नो नयाँ लुकका कारण चर्चामा छन् । तर अहिलेसम्म उनको यो लुक भने सार्वजनिक भएको छैन् । उनी अचेल प्रायः जसो अनुहार छोपेको अवस्थामा देखिने गरेका छन् । 

कालो चश्मा लगाएर अनुहार छोपेको अवस्थामा शाहिद फेरी देखा परेका छन् । उनी पत्नी मीरा राजपुत र छोरी मीशाका साथ मुम्वई एयरपोर्टमा परिवारका साथ देखिएका हुन् । बलिवुड स्टार शाहिद पछिल्लो पटक देखा परे जस्तै यस पटकपनि टाउकोमा रुमाल बाँधेर मुख छोपेको अवस्थामा देखा परेका हुन् । 

प्रतिक्षारत सिनेमा ‘पद्मावती’ को पोस्टर, ट्रेलरदेखि नयाँ गीत ‘घूमर’ रिलिज भइसकेको छ । उक्त सिनेमामा शाहिद कपूर पद्मावतीका पति अर्थात महारावल राजा रतन सिँहको भूमिकामा देखिने भएका छन् । यो भूमिकाका लागि उनले आफ्नो शरिर, कपाल र दाह्री–जुंगामा परिवर्तन ल्याएका छन् । 

छायांकन पूरा भइसकेपछि सिनेमामा देखिने लुकलाई छोडेर शाहिदले नयाँ गेटअप बनाएका छन् । तर उनी त्यो गेटअपलाई सार्वजनिक रुपमा देखाइरहेका छैनन् ।

उनका आफन्तहरुले शाहिद यति बेला छोटो कपाल र क्लीन सेवमा घरभित्र भेटिन्छन् । उनी चाँडै श्री नारायण सिँहको नयाँ सिनेमा ‘बत्ती गुल मिटर चालु’मा अहम् भूमिकामा देखा पर्ने छन् ।