काठमाडौं । गणेश बहादुर प्रानमाया चित्रकार स्मृति कप यू–१९ टि–ट्वान्टी क्रिकेट प्रतियोगिता शुक्रबारदेखि सुरु हँुदैछ । नेक्सस क्रिकेट एकेडेमीले काठमाडौंमा बिहीबार पत्रकार सम्मेलन गरी १६ देखि २४ गतेसम्म प्रतियोगिता हुने जानकारी गराएको हो ।

काठमाडौंको टँुडिखेलमा हुने प्रतियोगितामा १६ टिमको सहभागिता रहेको छ । प्रतियोगितामा आयोजक नेक्सस, ओमेगा कलेज, क्यानोन क्लब, ग्रेड हिमालयन क्रिकेट एकेडेमी ‘बी’ राइजिङ इलाभेन, ग्रेड हिमालयन क्रिकेट एकेडेमी ‘ए’, एक्सआईसी क्लब, काठमाडौं क्रिकेट टे«ेनिङ सेन्टर ‘बी’ सहभागी रहेका छन् ।

त्यस्तै, पुलिस स्कुल साँगा, काठमाडौं क्रिकेट ट्रेनिङ सेन्टर, ‘ए’, एनसीए, हिमालयन क्रिकेट एकेडेमी, एमडब्लुसीसी कोहलपुर, टिम टिटन्स, रामारोशन क्रिकेट एकेडेमी र सगरमाथा क्रिकेट क्लब रहेका छन् ।

प्रतियोगिताअन्तर्गत शुक्रबार हुने उद्घाटन खेलमा नेक्सस क्रिकेट एकेडेमीले ओमेगा कलेजसँग प्रतिस्पर्धा गर्दैछ । प्रतियोगिताको विजेताले ५० हजार नगदसहित ट्रफि र मेडल हात पार्ने छ । त्यस्तै, उपविजेताले २५ हजार नगदसहित ट्रफि र मेडल पाउनेछ । प्रतियोगिताको उत्कृष्ट खेलाडी, बेष्ट बलर बेष्ट ब्याट्सम्यान र प्रत्येक खेलका म्यान अफ दि म्याच हुने खेलाडीले पनि ट्रफि हात पार्नेछन् ।

पहिलो पटक भएकोले नकआउटको आधारमा सञ्चालन गर्नु परेको अर्को बर्ष यही प्रतियोगितालाई लिगकम नकआउटको आधारमा खेलाइने आयोजकले जानकारी दिएको छ ।