एजेन्सी । विश्वभर फैलिएको कोरोना भाइरसको महामारीबाट खेल क्षेत्र पनि धेरै प्रभावित भएको छ । विश्वस्तरका ठूला फुटबल लिगहरू स्थगित भएका छन् । त्यस्तै ओलम्पिक पनि एक वर्षका लागि सारिएको छ ।

कोरोनाले खेल क्षेत्र मात्र होइन खेलाडीमा पनि धेरै असर पारेको छ । धेरै खेलाडीहरू अहिले घरमै प्रशिक्षण गरिरहेका छन् भने कति खेलाडी क्वारेन्टाइनमा बसिरहेका छन् । केही खेलाडीलाई कोरोना भाइरस संक्रमण पनि भएको छ । उनीहरूको अवस्था भने अहिले सामान्य छ । 

युभेन्ट्स : 

इटालियन सिरी ए साइटका खेलाडीमा कोरोनाको पहिलो संक्रण देखिएको हो । पहिलो संक्रमित हुनेमा युभेन्टस्का सेन्टर ब्याक डेनियल रुगानी रहेका छन् । उनी विश्व भरमा पहिलो खेलाडी हुन् जसलाई कोरोना संक्रमण देखिएको थियो । 
त्यस्तै युभेन्ट्सकै बलासे माटुडूइमा पनि कोरोना भाइरस संक्रमण देखिएको थियो अहिले उनी आइसुलेसनमा छन् । त्यस्तै युभेन्ट्सकै पाउलो डिबालामा पनि कोरोना भाइरसको संक्रमण देखिएको थियो । उनी पनि हाल डक्टरको निगरानीमा छन् । 

साम्पडोरिया :

अर्काे इटालियन सिरी ए क्लब साम्पडोरियाका धेरै खेलाडीमा संक्रमण देखिएको छ । साम्पडोरियाका ६ खेलाडीमा कोरोना भाइरस संक्रमण देखिएको हो । जसमा मनोलो गाबिडानी, ओमार कोली, अल्बिन एकडाल, एन्टोनी जुमिना, मोर्टिन थोस्र्बी र फाबियो डिपालीलाई कोरोना भाइरस संक्रमण देखिएको हो । 

फिओरेटिना :

फिओरेटिना पनि इटालियन सिरी ए क्लब हो । उसका तीन जना खेलाडीमा कोरोना भाइरस संक्रमण देखिएको छ । जसमा जर्मन पेजाला, पेट्रिक कट्रोने र डुसन भालोभिक रहेका छन् ।

भोरोन :

इटालियन क्लब भोरोनका खेलाडीमा पनि कोरोना संक्रमण देखिएको छ । भोरोनाका माटिक जंकाजिनिमा कोरोना संक्रमण देखिएको हो ।

चेल्सी :

प्रिमियर लिग फुटबल क्लब चेल्सीका एक जना खेलाडीमा पनि कोरोना भाइरसको संक्रमण देखिएको थियो । जसमा कलुम हुड्न रहेका थिए । 

आर्सनल : 

आर्सनलका मुख्य प्रशिक्षक मिकेल अर्टेटामा कोरोनाको संक्रमण देखिएको थियो । उनी प्रिमियर लिग साइडबाट कोरोना संक्रमण देखिने पहिलो प्रशिक्षक पनि हुन् । 
अर्टेटा आइले पूर्ण रुपमा फिट भइसकेका छन् । 

पड्ब्रोन : 

जर्मन बुन्डेस लिगा क्लब पड्ब्रोनका खेलाडी लुकास किलियनमा पनि कोरोना भाइरस संक्रमण देखिएको थियो छ । उनीहाल डक्टरको निगरानीमा छन् । 

हानओभर :

हानओभरका दुई खेलाडीमा कोरोना संक्रमण भेटिएको थियो । जसमा टिमो हुब्रेस र जनेस होर्न रहेका छन् । हानओभर जर्मन फुटबल क्लब हो । 

टोरोएस :

फ्रान्सेली क्लब टोरोएसका स्टार ह्वायुनजुन सुङ खेलाडीमा पनि कोरोना संक्रमण भएको छ । उनी जापानका खेलाडी हुन् । 

भ्यालेन्सिया :

स्पेनिस क्लब भ्यालेन्सीयाका दुई जना खेलाडीमा पनि कोरोना संक्रमण देखिएको छ । लालिगा क्लबका इक्वियल जेरी र इलिक्विममंगलालाई कोरोना संक्रमण देखिएको थियो । 

मारोने फालेनी :

चाइनको क्लबमारोने फालेनीका खेलाडी सानडोङ लुनेङलाई कोरोना संक्रमण देखिएको थियो । उनी चाइनमा उत्कृष्ट खेलाडीको रूपमा रहेका थिए । 

पोस्र्टमाउथ :

इङ्लिस क्लब पोस्र्टमाउथका चार खेलाडीलाई कोरोना संक्रमण देखिएको थियो । पोस्र्टमाउथका जेम्स बोटन, एन्डी कोनोन, सेन रोगेत र हजिलमनगोलाई कोरोना संक्रमण देखिएको थियो । 
कोरोना संक्रमण देखिएका खेलाडी तथा प्रशिक्षक हाल सुरक्षित छन् ।