नयाँदिल्ली । भारतको प्रमुख प्रतिपक्षी दलकी नेतृ सोनिया गान्धी स्वदेश फर्किएकी छन् । स्वास्थ्य परीक्षणका लागि अमेरिका गएकी गान्धी बिहीबार राति अवेर स्वदेश फर्किएको अधिकारीले शुक्रबार जानकारी दिएका छन् ।
“नेतृ गान्धी आफ्ना छोरा राहुल गान्धीसँगै स्वदेश फर्किनुभएको छ, नेतृ गान्धीलाई लिन उहाँका छोरा राहुल केहीदिन अघि मात्रै अमेरिका जानुभएको थियो । अमेरिका जाँदा सोनिया गान्धी एक्लै जानुभएको थियो ।
नेतृ गान्धीले गत अगस्तमा निर्वाचनको प्रचारप्रसारका लागि विभिन्न ठाउँमा जाने क्रममा उत्तरी भारतको बाराणाशी शहरमा पुग्दा विरामी परेकी थिइन् ।
सोनिया हाल बाँकी भएका नेहरु र गान्धी परिवारका सदस्यमा सबैभन्दा उच्च व्यक्ति हुन् । गान्धी परिवारले सन् १९४७ भारत बेलायती उपनिवेशबाट स्वतन्त्रत भएदेखि शासन गर्दै आएको थियो ।
उनको पार्टीले गत सन् २०१४ मा वर्तमान प्रधानमन्त्री नरेन्द्र मोदी नेतृत्वको भारतीय जनता पार्टीसँग आम निर्वाचनमा पराजित भएको थियो । रासस\\सिन्ह्वा