काठमाडौं । स्पेनिस ला लिगा फुटबलमा शीर्ष स्थानको रियल मड्रिडले जित हासिल गरेको छ । लिग अन्तर्गत शनिबार राति सर्जियो रामोसको गोल मद्दतमा रियल मड्रिडले मालागालाई २ – १ ले पराजित गरेको हो ।
रियलको घरेलु मैदानमा भएको प्रतिस्प्रधात्मक खेलमा घरेलु टोलीलाई जित दिलाउन रामोसले दुवै गोल गरे । मालागाका जुवान अनओरले एक गोल फर्काए । रियल मड्रिडको यो सबै प्रतियोगितागरि पछिल्लो दुई खेल हारपछिको पहिलो जित हो ।
सान्टियागो बेर्नाबेउमा भएको खेलमा रियल मड्रिडलाई जित दिलाउन रामोसले दुवै गोल पहिलो हाफमा गरे । खेलको ३५ औ मिनेटमा रामोसले गोल गर्दै रियल मड्रिडलाई सुरुवाती अग्रता दिलाए ।
त्यसपछि खेलको ४३ औ मिनेटमा व्यक्तिगत दोस्रो गोल गर्दै रोमोसले रियल मड्रिडको अग्रता दोब्बर बनाए । पहिलो हाफमा १ – ० ले अघि रहेको रियल मड्रिडले दोस्रो हाफमा गोल गर्न सकेन । तर, एक गोल खान पुग्यो ।
खेलको ६३ औ मिनेटमा मालागाका लागि जुवान अनओरले एक गोल फर्काए । त्यसपछि दुवै टोलीबाट गोल हुन् सकेन र खेल रियल मड्रिडले २ – १ ले आफ्नो पक्षमा पार्यो ।
जितसंगै शिर्ष स्थानको रियल मड्रिडले दोस्रो स्थानको सेभियालाई ४ अंकले पछि पार्न सफल भयो । यो जितपछि रियल मड्रिडले १८ खेलबाट ४३ अंक जोडेको छ । दोस्रो स्थानको सेभियाको ३९ तथा तेस्रो स्थानको बार्सिलोनाको ३८ अंक छ । पराजित मालागा २१ अंक जोडेर १३ औ स्थानमा छ ।