भारत (अहमदबाद)– रोजगारीका लागि भारत आएका ३ नेपालीको गुजरातको गिर सोमनाथ जिल्लामा रहेको एक होटलको बन्द कोठामा निसास्सियर मृत्यु भएको छ । होटलमा कार्यरत ७ जना नेपालीमध्ये ४ जनाको अवस्था पनि चिन्ताजनक रहेको गुजरात प्रहरीले जनाएको छ ।
गुजरातको राजधानी अहमदाबाद भन्दा ४ सय किलोमिटर दुरीमा रहेको सोमनाथ मन्दिर नजिक रहेको होटलमा निसास्सिएर ३ जना नेपालीले ज्यान गुमाएका हुन् । शुक्रबार राति सोमनाथ मन्दिर नजिकको सुखागर होटलमा कार्यरत ७ जना एउटै होटलमा कार्यरत थिए । शुक्रबार एक्कासी जाडो बढेपछि राति कोठा बन्द गरेर हिटर बालेर सुत्ने क्रममा उक्त दुर्घटना भएको हुन पुगेको हो ।
होटलमा कुक तथा वेटर ७ जना एउटै कोठामा सुतेका थिए । मृत्यु हुनेमा नरेन्द्र सोनी, दिलु बिक र दिनेश धामी रहेका छन् । राति बन्द कोठमा निसास्सियर बेहोस अवस्था फेला परेका उनीहरुलाई राति नै अस्पताल पु¥याईएको दाबी होटल संचालकको छ । बेहोस अवस्थामा ७ जनालाई अस्पताल पु¥याउ“दा तीन जनालाई वेरावलको खानगी अस्पतालले मृत घोषित गरेको हो ।
उपचारत ४ जनाको अवस्था पनि चिन्ताजनक रहेको अस्पतालले जनाएको छ । मृत्यु भएका ३ जना नेपाली नै भए पनि कुन जिल्लाका हुन् भन्ने बारेमा अहिलेसम्म नखुलेको प्रहरीले जनाएको छ ।
अस्पतालमा उपचार गराइरहेका रमेश बिक, मोहन धामी, गौरव विष्ट र दिनेश धामी छन् ।
उनीहरुको पनि खानगी अस्पतालमा आइसीयुमा उपचार भैरहेको एबीपी टीभीमा कार्यरत पत्रकार पुष्पा उपाध्यायले बताईन् । पत्रकार उपाध्यायका अनुसार मृत्यु भएका नेपाली पश्चिम नेपालका भए पनि कुन जिल्ला भन्ने खुलेको छैन ।
प्रहरीले होटल सञ्चालकलाई नियन्त्रणमा लिएर मृतकहरुको पोष्टमार्टम गराउने काम सम्पन्न गरेको छ । उनीहरुको जिम्मेवारी लिने परिवारका सदस्य र निकटजन नहु“दा शवको जिम्मा लगाउन नसकिएको प्रहरीले जनाएको छ ।