काठमाडौं । नेपाली कथानक चलचित्र ‘जात्रा’ लाई चौथो हप्तामा पनि दर्शकले रुचाएको पाइएको छ । कात्तिक २६ गते रिलिज भएको चलचित्र ‘जात्रा’ले चोथो हप्तासम्म आइपुग्दा पनि राम्रो व्यापार गरिरहेको निर्माण पक्षले जनाएको छ ।
आफ्नो आक्रमक व्यापारलाई निरन्तरता दिएएको ‘जात्रा’ले अझै पनि मल्पिेक्सहरुमा राम्रो शो पाइरहेको छ । २६ गतेपछि रिलिज भएका चलचित्रले अपेक्षित व्यापार नगरेपछि ‘जात्रा’ लाई थप सहज भएको हो । ‘जात्रा’पछि रिलिज भएका चलचित्र मध्ये ‘पुरानो डुङ्गा’ बाहेक अन्य कुनै पनि चलचित्रले सोच अनुसारको सफलता पाउन सकेनन् । लामो समय प्रतिक्षा गरिएको ‘पुरानो डुङ्गा’ ले पनि सोचेजस्तो व्यापार गर्न नसकेपछि त्यसको फाइदा ‘जात्रा’ ले उठाएको हो ।
“चौथो हप्तामा आइपुग्दा पनि जात्राले राम्रो व्यापार गरिरहेको छ,” निर्देशक प्रदिप भट्टराइले भने, “शोहरु झनै थपिरहेका छन् ।”
गोपीकृष्ण र गुण सिनेमामा चार÷चार वटा शो पाएको ‘जात्रा’ले लाविम, सिबिल र कुमारीमा दुई÷दुई शो पाएको छ । यस्तै एफ क्युवमा तीन शो पाएको चलचित्रले बिग मुभिजमा एउटा शो पाएको छ ।
यसैगरी काठमाडौं बाहिर हेटौंडाको एनएस, उर्लाबारीको भिलेज, धुलाबारीको तृष्णा, जितपुरको शिव पार्वती, विराटनगरको हिमालय, पर्साको जनज्योती, भैरहवाको पद्यम श्री, रानीको अरुण, पोखराको बाराही र चपुरको ब्रोसिसमा पनि ‘जात्रा’ले उत्साहजनक व्यापार गरिरहेको निर्देशक भट्टराइले बताए ।
सामान्य परिवारलाई आर्थिक अभावले पारेको सामाजिक तथा मनोवैज्ञानिक प्रभाव तथा अनपेक्षित रुपमा प्राप्त पैसाप्ति देखिएको लोभले देखिएको समस्या नै चलचित्र ‘जात्रा’ को मुख्य कथा हो ।
‘जात्रा’ मा विपिन कार्की, रविन्द्रसिंह बानिया, रविन्द्र झा, वर्षा राउतलगायतको मुख्य अभिनय छ ।