जापान । जापानका वयोवृद्ध सम्राट अकिहितोले आफ्नो जिम्मेवारी ५६ वर्षीय जेठा छोरा राजकुमार नारुहितोलाई सुम्पिने इच्छा प्रकट गरेकाे यहाँको सञ्चारमाध्यम एनएचकेले सूचनाको स्रोतलाई उद्धृत गर्दै जनाएको छ । 

 

पछिल्ला वर्षमा बुढ्यौली र विविध स्वास्थ्य सम्बन्धी समस्याबाट ग्रस्त ८२ वर्षीया अकिहितोले जापानको राज्य प्रमुखका रुपमा २७ वर्ष लामो अनुभव लिइसकेका छन् । 

यदि अकिहितोले जिम्मेवारीबाट अलग्गिएमा जापानी इतिहासमा दुई सय वर्षयता उहाँ नै जीवितै सम्राटबाट बाहिरिने पहिलो व्यक्ति हुनेछन् । 

 

सम्राट अकिहितोको सन् २००३ मा प्रोस्टेट क्यान्सर र चार वर्ष पहिलो मुटुको बाइपास सर्जरी गरिएको थियो । 

 

मैले बुढ्यौलीको महसुस गर्न थालेको छु र समय–समयमा गल्ती गर्ने गरेको छु, डिसेम्बरमा आफ्नो जन्मदिन मनाउनुपूर्व उनले गरेको प्रेस सम्मेलनमा बताएका थिए ।  

 

तर जापानको क्योदो न्युज एजेन्सीले एक सरकारी स्रोतलाई उद्धृत गर्दै सम्राट अकिहितोको स्वास्थ्यको कारण जिम्मेवारीबाट बाहिरिनुपर्ने अवस्था नआएको बताएको छ । रासस/एएफपी