काठमाडौं । सत्तारुढ नेपाल कम्युनिष्ट पार्टी (ने क पा) ले सबै प्रदेश संगठन कमिटीको जिम्मेवारी बाँडफाँड गरेको छ । ने क पाको शुक्रबार बसेको सचिवालय बैठकले सात वटै प्रदेश संगठन कमिटीका प्रदेश इन्चार्ज, सहइन्चार्ज, अध्यक्ष र सचिवको जिम्मेवारी बाँडफाँड गरेको हो ।
जस अनुसार प्रदेश १ को प्रदेश संगठन कमिटीको इन्चार्जमा भीमप्रसाद आचार्यलाई तोकिएको छ । सहइन्चार्ज सावित्री काफ्ले, अध्यक्ष देवराज घिमिरे र सचिवमा सुरेशकुमार राईलाई तोकिएको छ । प्रदेश २ को प्रदेश संगठन कमिटीको इन्चार्जमा सत्यनारायण मण्डल चयन गरिएको छ । त्यसैगरी विश्वनाथ साहलाई सहइन्चार्ज, प्रभु साहलाई अध्यक्ष र सुमनराज प्याकुरेललाई सचिवको जिम्मेवारी दिइएको छ ।
ने क पाले प्रदेश ३ को प्रदेश संगठन कमिटीको इन्जार्चको जिम्मेवारी अष्टलक्ष्मी शाक्यलाई दिएको छ । सहइन्चार्जमा नारायण दाहाल, अध्यक्षमा हितमान तामाङ र सचिवमा आनन्दप्रसाद पोखरेल छन् ।
सो प्रदेशले महिला इन्चार्ज पाएको छ । गण्डक प्रदेशको इन्चार्जमा पृथ्वीसुब्बा गुरुङ, सहइन्चार्ज खगराज अधिकारी तथा अध्यक्ष हितराज पाण्डे र सचिव गोविन्द नेपालीलाई बनाइएको छ । प्रदेश ५ को इन्चार्ज शंकर पोखरेललाई तोकिएको छ । सहइन्चार्ज दलबहादुर राना, अध्यक्ष ओनसरी घर्ती र सचिव जगप्रसाद शर्मा छन् ।
कर्णाली प्रदेशमा ने क पाको नेतृत्व जनार्दन शर्मालाई दिइएको छ । सो प्रदेशमा यमलाल कँडेल सहइन्चार्ज, गोरख बोगटी अध्यक्ष र मायाप्रसाद शर्मा सचिव छन् ।
प्रदेश ७ को प्रदेश संगठन कमिटीको इन्चार्जको जिम्मेवारी भीम रावललाई दिइएको छ । सहइन्चार्ज लक्ष्मीदत्त जोशीलाई तोकिएको छ । कर्णबहादुर थापालाई सो प्रदेश संगठन कमिटीको अध्यक्ष र सिंहराज चौधरीलाई सचिवको जिम्मेवारी दिइएको छ ।
करिब ४ घण्टा प्रधानमन्त्री निवास बालुवाटारमा बसेको बैठकले सबै प्रदेश संगठन कमिटीको नेतृत्वको जिम्मेवारी टुंगो लगाएको हो । व्यापक छलफल पछि सर्वसम्मतिले सबै प्रदेश कमिटीको नेतृत्वको जिम्मेवारी बाँडफाँड गरिएको पार्टी सचिवालयका सदस्य इश्वर पोखरेलले जानकारी दिए ।
बैठकमा पार्टी अध्यक्ष एवम् प्रधानमन्त्री केपी ओलीले शनिबार (भोलि) बाट हुने आफ्नो अमेरिका भ्रमणबारे जानकारी गराएका थिए अध्यक्ष पुष्पकमल दाहालले आफ्नो भारत र चीन भ्रमणबारे ब्रिफिङ गरेका थिए ।
कहाँ को ?
प्रदेश १
इन्चार्ज : भीम आचार्य
अध्यक्ष : देवराज घिमिरे
सहइन्चार्ज : सावित्रीकुमारी काफले
सचिव : सुरेशबहादुर राई
प्रदेश २
इन्चार्ज : सत्यनारायण मण्डल
अध्यक्ष : प्रभु साह
सहइन्चार्ज : विश्वनाथ साह
सचिव : सुमन प्याकुरेल
प्रदेश ३
इन्चार्ज : अष्टलक्ष्मी शाक्य
अध्यक्ष : हितमान शाक्य
सहइन्चार्ज : नारायण दाहाल
सचिव : आनन्द पोख्रेल
गण्डकी प्रदेश
इन्चार्ज : पृथ्वी सुब्बा गुरुङ
अध्यक्ष : हितराज पाण्डे
सहइन्चार्ज : खगराज अधिकारी
सचिव : गोविन्द नेपाली
प्रदेश ५
इन्चार्ज : शंकर पोख्रेल
अध्यक्ष : ओनसरी घर्ती
सहइन्चार्ज : दलबहादुर राना
सचिव : जगप्रसाद शर्मा
कर्णाली प्रदेश
इन्चार्ज : जनार्दन शर्मा
अध्यक्ष : गोरखबहादुर बोगटी
सहइन्चार्ज : यमलाल कँडेल
सचिव : मायाप्रसाद शर्मा
प्रदेश ७
इन्चार्ज : भीम रावल
अध्यक्ष : कर्ण थापा
सहइन्चार्ज : लक्ष्मणदत्त जोशी
सचिव : नेप चौधरी