महानगरसँगको सम्झौता इतिहासकै नमुना : एन्फा अध्यक्ष शेर्पा 

महानगरसँगको सम्झौता इतिहासकै नमुना : एन्फा अध्यक्ष शेर्पा 

काठमाडौं । काठमाडौं महानगरपालिकाले काठमाडौं जिल्लाका ६ वटा ‘ए’ डिभिजन क्लबलाई अनुदान रकम हस्तान्तरण गरेको छ । काठमाडौंमा सोमबार आयोजित कार्यक्रममा काठमाडौं महानगरपालिकाले प्रत्येक क्लबलाई ९ लाख ३० हजारसहित केही जिन्सी सामग्री सहयोग गरेको छ ।
महानगरले काठमाडौंका हिमालयन शेर्पा, एनआरटी, मच्छिन्द्र, संकटा, मनाङ मस्र्याङ्दी र सरस्वती युथ क्लबलाई सहयोग गरेको हो । महानगरपालिकाले क्लबसँग ६ बुँदे सम्झौतासमेत गरेको छ । सम्झौतापत्रमा महानगरपालिकाका तर्फबाट नुरनीधि न्यौपाने र ६ वटै क्लबका अध्यक्षले हस्ताक्षर गरे । 
कार्यक्रममा महानगर प्रमुख विद्यासुन्दर शाक्यले सबैभन्दा धेरै दर्शक एकैठाउँमा सहभागि हुने नेपालको लोकप्रिय खेल फुटबलको विकासका लागि महानगरपालिकाले सहयोग गरेको बताए । शाक्यले अगाडि भने, “यो सुरुवात भएको छ । सहकार्य निरन्तर रहन्छ ।” मेयर शाक्यले असोज ३ देखि सुरु हुने सहिद स्मारक लिगमा काठमाडौंका ६ मध्येका क्लबहरुले जित्ने आशासमेत व्यक्त गरे ।
कार्यक्रममा हिमालयन शेर्पा क्लबका अध्यक्ष तथा एन्फा अध्यक्ष कर्माछिरिङ शेर्पाले महानगरसँग गरेको सम्झौता क्लबहरुले पालना गर्ने प्रतिवद्वता जनाए । शेर्पाले अहिले ‘ए’ डिभिजन लिगलाई सहयोग गरेको र विस्तारै बि र सि डिभिजनका क्लबहरुलाई पनि सहयोग गर्ने विश्वास व्यक्त गरे । शेर्पाले नेपालको महानगरसँग भएको सम्झौता इतिहासकै नमुना सम्झौता भएको दाबी गरे ।
 


प्रतिकृया दिनुहोस