विदेश
काठमाडौं । बेलायतका प्रधानमन्त्री डेविड क्यामरुनकी उत्तराधिकारी महिला हुने निश्चित भएको छ । समाचार एजेन्सीहरूका अनुसार बिहीबार भएको मतदानमा बढी मत ल्षाउने नेताका आकांक्षीमध्ये २ जनामा महिलामात्र रहेका छन् । आगामी सेप्टेम्बर महिनामा हुने अर्को निवार्चनले गृह मन्त्री टेरेसा मे र ऊर्जा उपमन्त्री एन्ड्रिया लिडसनमध्ये एक जनालाई सत्तारुढ कन्जरवेटिव पार्टीको नेता छान्नेछ ।
सन् १९९० मा बेलायतकी प्रथम महिला प्रधानमन्त्री मार्गरेट थ्याचरले राजीनामा गरेपछि कन्जरवेटिव ९टोरी० पार्टीबाटै अर्कै महिला प्रधानमन्त्री हुने भएकी छन् ।
युरोपेली युनियन ९ईयु०बाट बेलायत बाहिर निस्कने कि ननिस्कने विषयमा भएको जनमत संग्रहमा बहिर्गमनका पक्षमा बहुमत आएपछि प्रधानमन्त्री क्यामरुनले राजीनामा दिएका छन् ।
संसद्मा स्पष्ट बहुमत भएको सत्तारुढ टोरी पार्टीका सांसदहरूबीच भएको मतदानबाट पहिलो चरणमा विजयी हुनेमा मे र लिडसन दुई महिलामात्र रहेकाछन् । सेप्टेम्बरमा पार्टीका रजिस्टर सदस्य ९क्रियाशील सदस्य०ले प्रत्यक्ष मतदान गरेर यी दुई महिलामध्ये एकलाई नेता छान्नेछन् र तिनै प्रधानमन्त्री हुनेछिन् ।
मे ईयुबाट बाहिर निस्कने पक्षमा थिइनन् भने लिडसन बहिर्गमनकी कट्टर समर्थक हुन् ।
प्रकाशित मिति: शुक्रबार, असार २४, २०७३ ०९:३६
प्रतिक्रिया दिनुहोस्