खेल
एजेन्सी
लण्डन । विश्व नम्बर दुई बेलायती एण्डी मुर्रे विम्बल्डन टेनिसको क्वाटरफाइनलमा प्रवेश गरेका छन् । सोमबार राती भएको खेलमा अस्ट्रेलियन निक केरियोसलाई पराजित गर्दै मुर्रेले क्वाटरफाइनलमा स्थान बनाएका हुन् ।
मुर्रेले केरियोसलाई ७–५, ६–१ र ६–४ को सेटमा पाखा लगाए । अब मुर्रेले अर्को चरणमा १२ औं बरियताका फ्रेन्च जो विलफ्रेड सोङगासँग बुधबार प्रतिस्पर्धा गर्ने छ । मुर्रे नवौं पटक विम्बल्डन टेनिसको क्वाटरफाइनलमा प्रवेश गरेका हुन् ।
यस्तै पुरुष एकलतर्फ नै विश्व नम्बर तीन स्विस रोजर फेडेरर पनि क्वाटरफाइनलमा पुगेका छन् । फेडेररले स्टिभ जोनसनलाई पराजित गर्दै क्वाटरफाइनल यात्रा तय गरेका हुन् । फेडेररले जोनसनलाई ६–२, ६–३ र ७–५ को सेटमा पराजित गरे । फेडेरर जारी विम्बल्डन टेनिसको सात पटकका विजेता हुन् ।
महिला एकल तर्फ अमेरिकी दिदि बहिनि सेरेना विलियम्स र भेनस विलियम्स पनि क्वाटरफाइनलमा पुगेका छन् । त्यस्तै रोमानियाकी सिमोना हालेपले पनि क्वाटरफाइनलमा स्थान पक्का गरिन ।
प्रकाशित मिति: मंगलबार, असार २१, २०७३ ०९:३५
प्रतिक्रिया दिनुहोस्