![सबल स्थानीय स्वास्थ्य प्रणालीका लागि कांग्रेसका ६ संकल्प](https://12khari.top/uploads/posts/278501479_956445625018804_8883850712260609717_n1650792005.jpg)
काठमाडौं । स्थानीय तह निर्वाचन २०७९ का लागि नेपाली कंग्रेसले ‘समुन्नत गाउँ, समुन्नत नगर सबल स्थानीय सरकार’ नाराका साथ पार्टीको घोषणापत्र सार्वजनिक गरेको छ ।
घोषणापत्रमा ‘निःशुल्क आधारभूत स्वास्थ्य सेवा, गुणस्तरीय सेवामा सहज र समतामूलक पहुँच’ सुनिश्चित गर्न ६ बुँदे संकल्प समेटिएको छ । जसअन्तरगत सबल स्थानीय स्वास्थ्य प्रणालीका लागि सचेत नागरिक जवाफदेही नेतृत्व, दक्ष र उत्प्रेरित जनशक्ति, भौतिक पूर्वाधार र उपकरण, घर नजिक नि:शुल्क आधारभूत सेवा,सबैलाई स्वास्थ्य बिमा, गुणस्तरीय सेवा, सहज र समतामूलक पहुँच राखिएको छ ।
स्थानीय तहले स्वास्थ्यमा १० प्रतिशत बजेट पुर्याउनुपर्ने, सबै नागरिकलाई स्वास्थ्य बिमा, ज्येष्ठ नागरिक र विशेष अवस्थाका नागरिकलाई घरमै स्वास्थ्य सेवा, सबै स्थानीय तहका सामुदायिक अस्पतालमा नि:शुल्क प्रदान गरिने औषधिको २४ सै घण्टा उपलब्धता जस्ता बुँदा घोषणापत्रमा समेटिएका छन् ।
त्यस्तै मानसिक स्वास्थ्यअन्तरगत प्रत्येक स्थानीय तहमा एक पुनर्स्थापना केन्द्र, जंक फुड निषेधित विद्यालय क्षेत्रदेखि स्वास्थ्य बिमा कार्यक्रमको प्रभावकारिताका लागि निजी क्षेत्रसँग सहकार्यसमेतका ११ वटा मुख्य बुँदा प्रस्तुत गरिएको छ ।
![Global Ime bank](https://baahrakhari.com/uploads/bigyaapan/30885600.gif)