![प्रधानमन्त्रीको ‘भाषण’ कुर्सी जाने डरले लम्पसार पथमा कायरले पाइला टेकेजस्तो : भीम रावल](https://12khari.top/uploads/posts/bhim rawal51640433388.jpg)
काठमाडौं । नेकपा (एमाले)का नेता भीम रावलले प्रधानमन्त्री शेरबहादुर देउवा संवेदनशील र जनसरोकारका विषयमा मौन रहेको बताएका छन् ।
प्रधानमन्त्री देउवाले शुक्रबार राष्ट्रका नाममा गरेको सम्बोधन राष्ट्रिय हित, स्वाधीनता र स्वाभिमानजस्ता विषयमा मौन रहेको रावलको टिप्पणी छ ।
शनिबार ट्विट गर्दै उनले सम्बोधनलाई ‘कसैले घाँटीमा अँठ्याएजस्तो, कुर्सी जाने डरले लम्पसार पथमा कायरले पाइला टेकेजस्तो’को संज्ञा दिएका छन् ।
"प्र.म. देउवाको भाषण ध्यानपूर्वक पढियो । राष्ट्रिय हित, स्वाधीनता र स्वाभिमानसम्बन्धी संवेदनशील र जनसरोकारका विषयमा मौन !," उनले लेखेका छन्, "कसैले घाँटीमा अँठ्याएजस्तो, कुर्सी जाने डरले लम्पसार पथमा कायरले पाइला टेकेजस्तो, संविधान र लोकतन्त्रको पक्षमा चुनाउबारे स्पष्ट बोल्न नसकी कब्जियत भएजस्तो !"
![Global Ime bank](https://baahrakhari.com/uploads/bigyaapan/30885600.gif)