काठमाडौं । मेटलाइफ बीमा कम्पनीले नेपालमा स्थापनाको २०औं वार्षिकोत्सव मनाउँदै छ । २०५८ साल मंसिर महिनामा पहिलोपटक नेपालमा कार्य सञ्चालन गरेदेखि नै मेटलाइफले थुप्रै बिमा सेवा तथा सुविधाहरुको शुरुवात गरेको थियो । प्रतिभा विकासमा टेवा, तथा देशभर छरिएका धेरै मानिसहरुलाई लघुबित्त मार्फत वित्तीय सुरक्षाबाट लाभान्वित गराई नेपालमा बीमा क्षेत्रको विकास र उन्नतीमा महत्त्वपूर्ण योगदान पुर्याउँदै आइरहेको कम्पनीले जनाएको छ । 

मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठले नेपालमा मेटलाइफको २०औं सफल वार्षिकोत्सव मनाइरहँदा आफ्नो जीवनको हिस्सा बनाउने कम्पनीका ग्राहकप्रति कृतज्ञता व्यक्त गरे ।

विगत २० वर्षमा मेटलाइफ नेपालले २५० करोड बढीको दाबी भुक्तानी, ४० हजार बढीलाई रोजगार तथा तालिमका अवसर, दुई हजार करोडको जीवन बीमा कोष तथा २७४ करोडको जगेडा कोष रहेको छ । मेटलाइफले नेपालमा १४ लाखभन्दा बढी ग्राहकलाई जीवन बिमा सुरक्षण प्रदान गरिरहेको पनि जनाएको छ ।