काठमाडौं । कानुनविदहरुले प्रश्न उठाएका दुईजना न्यायाधीश तेजबहादुर केसी र बमकुमार श्रेष्ठले इजलासबाट नबाहिरिने बताएपछि प्रधानन्यायाधीश चोलेन्द्रशमशेर राणाले न्यायाधीशहरुको बैठक बोलाएका छन् ।
शुक्रबार र आइतबार भएका रिटमाथिको सुनुवाइमा दुईजना न्यायाधीशका विषयमा प्रश्न उठेको थियो । प्रधानन्यायाधीले आज संवैधानिक इजलासमा रहेका पाँचजना न्यायाधीशको बैठक राखेका थिए ।
बैठकमा प्रधानन्यायाधीशले प्रश्न उठेका दुईजना न्यायाधीशलाई आफैँ निर्णय गर्न भनेको तर उनीहरुले नबाहिरिने बताएपछि बाँकी रहेका दुईजना न्यायाधीश दीपककुमार कार्की र आनन्दमोहन भट्टराईले बाहिरिँदा राम्रो हुने सुझाव दिएको स्रोतले जानकारी दियो ।
स्रोतका अनुसार संवैधानिक इजलासको रोष्टरमा रहेका १३ न्यायाधीशको बैठक प्रधानन्यायाधीश राणाले बोलाएका छन् । अहिले केहीबेरपछि बैठक बस्न लागेको सर्वोच्च स्रोतले जानकारी दियो ।
