काठमाडौं । जोस बट्लरले टी–ट्वान्टी क्रिकेट करियर मै पहिलो शतक प्रहार गर्दा राजस्थान रोयल्सले सनराइजर्स हैदराबादलाई २२१ रनको बलियो लक्ष्य प्रस्तुत गरेको छ । 

नयाँ दिल्लीमा टस हारेर पहिले ब्याटिङ गरेको राजस्थानले निर्धारित २० ओभरमा ३ विकेट गुमाउँदै २२० रन बनायो । राजस्थानका लागि जोस बट्लरले १२४ रनको शतकीय पारी खेले । बल खेलेका उनले ११ चौका र ८ छक्का प्रहार गरे । 

बट्लरको टी–ट्वान्टी क्रिकेट करियरकै यो पहिलो शतक हो । उनले हालसम्म टी–ट्वान्टी करियरमा शतक प्रहार गरेका थिएनन् ।

राजस्थानका लागि कप्तान सन्जु श्यामसनले ४८ रनको योगदान गरे । त्यस्तै रियन परागले १५ रन बनाउँदा योजसी जैसवालले १२ रन जोडे ।

बलिङतर्फ हैदरावादका लागि राशिद खान, सन्दीप शर्मा र विजय शंकरले समान एक–एक विकेट लिए । 

आजको खेलमा दुबै टोली जित निकाल्ने योजनामा छन् । लिगमा ६ खेल खेलेको हैदराबाद २ अंकसहित पुछारमा छ । हैदराबाद यो सिजन कमजोर देखिएको छ । 

हैदराबाद आज केन विलियम्सनको कप्तानीमा खेलिरहेको छ । हैदराबादले डेभिड वार्नरलाई कप्तानबाट हटाएर विलियम्सनलाई नियुक्त गरेको हो । राजस्थान पनि प्रतियोगितामा आफूलाई बलियो बनाउन जित निकाल्ने योजनामा छ । राजस्थानले ६ खेलबाट ४ अंक जोडेको छ ।