काठमाडौं । स्पेनिस ला लिगा फुटबलमा आइतबार रियल मड्रिडले इबरसँग खेल्दै छ । लिगको १४औं खेलअन्तर्गत रियल र इबरबीच प्रतिस्पर्धा हुन लागेको हो ।

इबरको घरेलु मैदानमा हुने खेल नेपाली समयानुसार राति १:४५ मा सुरु हुनेछ ।

दुवै टोली जितका साथ अगाडि बढ्न चाहन्छन् । आजको खेलमा जित निकाल्दै रियल अंक तालिकाको शीर्ष स्थानमा उक्लने योजनामा छ ।

लिगमा १३ खेल खेलेको रियल २६ अंकसाथ तालिकाको तेस्रो स्थानमा छ । समान खेलबाट इबर १५ अंकसहित १३औें स्थानमा छ । आजको खेल जिते इबर तालिकाको नवौं स्थनमा उक्लनेछ ।