काठमाडौं । प्रिमियर लिग फुटबल अन्तर्गत आर्सनलले बराबरी खेलेको छ । बुधबार राति भएको खेलमा आर्सनलले साउथह्याप्टनसँग १–१ गोलको बराबरी खेलेको हो । 

घरेलु मैदानमा १० खेलाडीमा सिमित आर्सनलले बराबरी खेल्दै अंक बाडेको हो । खेलको १८ औं मिनेटमा साउथह्याप्टनका लागि थओ अल्कोटले गोल गर्दै पाहुना टोलीलाई अग्रता दिलाएका थिए । 

५२ औं मिनेटमा प्रि–इमिरिक अबुयाङले आर्सनलका लागि बराबरी गोल फर्काए । खेलको ६२ औं मिनेटमा आर्सनल १० खेलाडीमा सिमित भएको थियो । 

आर्सनलका ग्रावियल रातो कार्ड खाँदै मैदान बाहिरिएपछि आर्सनल १० खेलाडीमा सिमित भएको हो । 

बराबरीसँगै साउथह्याप्टन तेस्रो स्थानमा रहेको छ । लिगमा १३ खेल खेलेको साउथह्याप्टनले २४ अंक जोडेको छ । यता, १४ अंक जोडेको आर्सनल तालिकाको १५ औं स्थानमा छ ।