विदेश
काठमाडौं । भारतको राजधानी दिल्लीका लेफ्टिनेन्ट गभर्नर (लेग) नजीव जङले विधान सभा भंग गर्ने विचारको आफू विपक्षमा नहरेको अभिव्यक्ति दिएपछि उनलाई त्यसो गर्न चुनौती दिइएको छ । प्रधानमन्त्री नरेन्द्र मोदीको नामै लिएर मुख्यमन्त्री केजरीवालले आलोचना गरेकाले माफी माग्नुपर्ने धारणा पनि जङले प्रकट गरेका थिए ।
दिल्ली विधान सभामा ७० स्थानमध्ये ६७ स्थानमा विजयी भएको आम आदमी पार्टीका नेता कुमार विश्वासले केन्द्रलाई दिल्ली विधान सभा भंग गरेर देखाउन चुनौती दिएका छन् ।
लेफ्टिनेन्ट गभर्नर दिल्लीमा केन्द्र सरकारले नियुक्त गर्ने उच्च पदाधिकारी हो ।
हफिङटन पोस्टले बुधबार दिएको समाचारअनुसार, लेग जङको भनाइप्रति दिल्लीको सत्तारुढ आम आदमी पार्टी (आप)का तर्फबाट तीव्र प्रतिक्रिया व्यक्त गरिएको छ । दिल्लीलाई केन्द्रले देशभर संकटकाल लगाउनका लागि परीक्षण स्थल बनाउन खोजेको आरोप आपले लगाएको छ । लेज जङ आपका नेता अरविन्द केजरीवालप्रति पूर्वाग्रही रहेको आरोप पनि आम आदमी पार्टीले लगाएको छ ।
नेता विश्वासले लेज जङको भनाइमा मोदी सरकारको मानसिकता प्रकट भएको पनि बताए । जङप्रति व्यंग्य गर्दै उनले जङलाई १० दिन विपश्यना ध्यान गरेर मनमा रहेको मैलो सबै समाप्त गरेर आउन सल्लाह पनि दिए ।
प्रकाशित मिति: बुधबार, साउन २६, २०७३ ०६:४१
प्रतिक्रिया दिनुहोस्