एजेन्सी । प्रिमियर लिग क्लब म्यान्चेस्टर युनाइटेड युरोपा लिगको सेमिफाइलनमा प्रवेश गरेको छ । युनाइटेड अब सोमबार राति सेभियासँग प्रतिस्पर्धा गर्दैछ । यो सिजन प्रिमियर लिगमा उत्कृष्ट बन्न नसकेको युनाइटेडले च्याम्पियन्स लिग पनि खेलेको थिएन ।
युनाइटेडले अर्को सिजन च्याम्पियन्स लिगका लागि आफ्नो स्थान बनाएको छ । युनाइटेड प्रिमियर लिगको नयाँ सिजन पनि राम्रो सुरुआत गर्ने योजनामा छ । यहि योजना अनुसार यो सिजनको अन्त्य पनि राम्रो गर्नका लागि युरोपा लिगको उपाधि जित्न आवश्यक रहेको क्लबका स्टार खेलाडी ब्रुनो फर्नान्डेजले बताए ।
फर्नान्डेज पछिल्लो समय युनाइटेडका लागि महत्वपूर्ण खेलाडीको रुपमा रहेका छन् । उनले युनाइटेडका पछिल्ला खेलमा उत्कृष्ट प्रदर्शन पनि गर्दै आइरहेका छन् । उत्कृष्ट प्रदर्शन गरि रहेका उनले स्कोररको भूमिका पनि खेलिरहेका छन् ।
“युरोपा लिगको उपाधि हाम्रो लागि महत्वपूर्ण छ । यो सिजनको अन्त्य र नयाँ सिजनको सुरुआत गर्न युरोपा लिगको उपाधि हाम्रो लागि मुख्य विन्दु हुन्छ । त्यसैले यसको उपाधिका लागि हामी जुटि रहेका छौ,” फर्नान्डेजले भने ।
