एजेन्सी । दिवंगत अभिनेता सुशान्तसिंह राजपुतको मुद्दा केन्द्रीय अनुसन्धान ब्युरो (सीबीआई) मा पुगेको छ ।

खबरका अनुसार केन्द्र (सीबीआई) ले बिहार सरकारको, सुशान्तको मृत्यु प्रकरणमा सीबीआई अनुसन्धान सुरु गर्ने अनुरोध स्वीकार गरेको छ ।

यसको जानकारी भारतका सोलिसिटर जनरल तुषार मेहताले सर्वोच्च अदालतलाई दिएको हो । बिहारका मुख्यमन्त्री नीतिश कुमारले उक्त मुद्दा सर्वोच्च अदालतमा हस्तान्तरण गर्न सिफारिस गरेका हुन् ।

अभिनेता सुशान्त १४ जुलाईमा बान्द्रास्थित आफ्नै अपार्टमेन्टमा झुन्डिएको अवस्थामा फेला परेको थियो । मुम्बई प्रहरीले उनको मृत्युको अनुसन्धान गर्न थालेको एक महिनाभन्दा धेरै भइसकेको छ । तर कुनै ठोस कारण पत्ता लगाउन नसकेपछि सुशान्तका बुबा केके सिंहले केही दिनअघि बिहार प्रहरीमा मुद्दा दायर गराएका थिए । 

उनले सुशान्तकी प्रेमिका रिया चक्रवर्तीविरुद्ध मुद्दा दायर गराएका हुन् । जसपश्चात् सुशान्तको मृत्यु प्रकरणमा बिहार प्रहरीले अनुसन्धान सुरु गरेको छ । सुशान्तको मृत्युदेखि नै उनका दर्शक र परिवार, सहकर्मीहरुले सीबीआई जाँचको माग गरिरहेका थिए । अन्तत बिहार प्रहरी र सरकारले सुशान्तको मुद्दालाई सीबीआईसम्म पुर्‍याउन सफल भएको छ । (बलिउड हंगामा)