काठमाडौं । सुदूरपश्चिम प्रदेशमा हालसम्म १५ जनामा कोरोना भाइरसको संक्रमण पुष्टि भएको छ ।  जसमध्ये सुरुवातमा संक्रमण देखिएका पाँचजना निको भएर घर फर्किसकेका छन् ।  सामाजिक विकास मन्त्रालयका अनुसार हिजोमात्रै अछामका एकजना पुरुषमा कोरोना संक्रमण पुष्टि भएको थियो ।

यस्तै सेती प्रादेशिक अस्पताल धनगढीमा ५, टिकापुर अस्पतालमा ३, बैतडी र डडेलधुरा अस्पतालमा एकजनाको उपचार भइरहेको मन्त्रालयले जनाएको छ ।  मन्त्रालयका अनुसार ८ हजार ८ सय ५४ जना सरकारी क्वारेन्टाइनमा  छन् । जसमध्ये ८१४ जना महिला छन् । हालसम्म पीसीआर र आरडीटी विधिबाट २५ हजार १ सय ३१ जनाको जाँच गरिएको छ । 

५५२ जनाको थ्रोट स्वाब नमुनाको रिपोर्ट आउन बाँकी रहेको मन्त्रालयले जनाएको छ ।