काठमाडौं। देशभर हालसम्म ६०३ जनामा नोभेल कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
कोरोना भाइरसको संक्रमण पुष्टि भएका अस्पतालको आइसोलेसनमा ५१३ जना उपचाररत रहेको मन्त्रालयका प्रवक्ता डा. विकास देवकोटाले बताए ।
उनका अनुसार कोरोना पुष्टि भएकाहरु मध्धे प्रदेश १ का अस्पतालको आइसोलेसनमा ६० जना, प्रदेश २ मा १६६ जना, बागमति प्रदेशमा २४ जनामा रहेका छन् ।
त्यसैगरी, गण्डकी प्रदेशमा ३ जना, प्रदेश ५ मा २४७ जना, कर्णाली प्रदेशमा ४ जना र सुदूरपश्चिम प्रदेशमा ९ जनामा कोरोना संक्रमित आइसोलेसनमा उपचाररत रहेका छन् ।
कोरोना संक्रमण देखिएर अस्पतालमा उपचाररत आज १७ जना डिस्चार्ज भएसँगै निको हुनेको संख्या ८७ पुगेको मन्त्रालयका प्रवक्ता डा. देवकोटाले जानकारी दिए ।
हालसम्म तीन जना कोरोना संक्रमितको मृत्यु भएको छ ।