काठमाडौं । बंगालको खाडीमा विकसित भएको अम्पुन आँधी बुधबार समुद्री तटमा ठोक्किने मौसमविद्हरुले बताएका छन् । यसको असरबाट जोगिनका लागि भारत र बंगलादेशका तटीय क्षेत्रका मानिसहरुलाई स्थानान्तरण गरिएको छ ।
कोरोनासँग लडिरहेको ओडिसा र पश्चिम बंगालमा यसले धेरै असर गर्ने बताइएको छ । सन् १९९ पछि पहिलोपटक बंगालको खाडीमा 'सुपर साइक्लोन' विकास भएको बताइएको छ । मौसम वैज्ञानिकका अनुसार अम्पुन यस दशककै ठूलो आँधी हो । १८५ प्रतिघण्टाको गतिमा समुद्री तटमा पुग्ने र यो चक्रवाती तुफानको पाँचौं श्रेणी भएको बताइएको छ ।
बंगालको खाडीबाट विकसित भएको अम्पुनको प्रत्यक्ष असर भने नेपालमा नपर्ने नेपाली मौसमविद्हरुको अनुमान छ । तर, यसले अप्रत्यक्ष प्रभाव पार्ने बताइएको छ । आगामी तीन-चार दिन हावाहुरी चल्ने, चट्याङ पर्ने, मेघ गर्जनसहित वर्षा हुने, असिना पर्ने र उच्च हिमाली तथा पहाडी भेकमा हिमपात हुने मौसम पूर्वानुमान महाशाखाले जनाएको छ ।
महाशाखाका अनुसार बंगालको खाडीमा बनेको सामुद्रिक चक्रावतको अप्रत्यक्ष प्रभावले आज नेपालको प्रदेश १, प्रदेश २,वाग्मती, गण्डकी प्रदेश र प्रदेश ५ का केही जिल्लामा आंशिकदेखि सामान्य बदली हुनेछ ।
बंगालको खाडीमा विकसित भएको अम्पुन चक्रवातले नेपालमा कस्तो असर गर्छ ?
