विराटनगर । प्रदेश १ मा द्रूत परीक्षण विधि (आरडीटी) र ल्याबमा गरिने परीक्षणबाट शनिबारसम्म जम्मा ९ हजार ३ सय ४ जनामा नमुना परीक्षण भएको छ । कोरोना भए नभएको पत्ता लगाउन दुबै विधिबाट नमुना परीक्षण भएको हो ।
मुख्यमन्त्री तथा मन्त्रिपरिषद् कार्यालय मातहतको कोरोचा सूचना डेस्कका अनुसार यसरी परीक्षण गरिएकामध्ये आरडीटीतर्फ ७ हजार २ सय ९५ जनाको नमूना परीक्षण भएको छ ।
जसमा ७ हजार २ सय ७४ जनाको रिपोर्ट नेगेटिभ आएको छ । पीसीआरबाट २ हजार ९ जनाको नमूना परीक्षणको लागि ल्याबमा पठाइएको छ । तीमध्ये एक हजार ९ सय ६९ जनाको रिपोर्ट नेगेटिभ आएको छ ।
यता, प्रदेश सरकारले निर्माण गरेका क्वारेन्टाइन स्थलमा बस्नेको संख्या शनिबारसम्म कूल १ हजार ४४ जना छ । आइसोलेसनमा स्वास्थ्यकर्मीको निगरानीमा ३ जना छन् । होम क्वारेन्टाइनमा जम्मा ७ हजार ९ सय ४२ जना बसिरहेको मुख्यमन्त्री तथा मन्त्रिपरिषद् कार्यालयले जनाएको छ ।