इस्लामावाद । पाकिस्तानको कठोर रुढीवादी, आदिवासी क्षेत्रका मानिसहरुलाई कोरोना भाइरसका बारेमा सचेत गराउन तयार गरिएको एक पास्तो-भाषाको भिडियो अहिले पाकिस्तानमा भाइरल भइरहेको छ । बन्दुक चलाउने उनीहरुको संस्कृतिजस्तै भएको भिडियोमा चित्रण गरिएको छ।
भिडियो दिउँसोको समयमा खेतबारीमा खिचिएको छ । जसमा पाबो नाम गरेको एक हिरोले भाइरसलाई पराजित गर्न खोजिरहेको छ । त्यसका लागि गाउँलेहरुले पाबोलाई काठको ब्याट, पेस्तो, तरबार र रकेट बम दिन्छन् ।
तर, पाबोले गाउँले भाइरसलाई मार्न गरेका सम्पूर्ण अस्त्रलाई अस्वीकार गर्दै अचम्ममा पार्छ । पाबोले भन्छ - "म यो शत्रुलाई 'खाली हात' ले सिध्याउँछु ।" त्यसपछि उसले साबुन पानीले हात धुन सुरु गर्छ । उसले २० सेकेन्डसम्म भाइरस मार्न हात मिचिमिची धुन्छ ।
,"बन्दुक मेरो कानुन हो," भन्नुको साटो पाबोले भन्छ, "साबुन भनेको मेरो कानुन हो ।" अधिकांश पस्तुन आदिवासीलाई बन्दुकसँगको स्वामित्व गहिरोरुपमा जोडिएको हुन्छ । जनस्वास्थ्य सुरक्षासम्बन्धी अभियानहरु वृद्धि गरिरहेको मुलुकमा पाकिस्तान पछिल्लो मुलुक हो ।
गत महिना भियतनामले हात धुनेसम्बन्धी जनचेतना जगाउन म्युजिक भिडियो बनाएको थियो । जसमा हात धुने तरिकाबारे बयान गरिएको थियो । भारतले हात धुनेसम्बन्धी जनचेतना जगाउने अभियानमा सेलिब्रेटीहरुलाई प्रोत्साहन गरिरहेको छ ।
पाकिस्तानमा हालसम्म १२ सय कोरोना संक्रमित छन् । जुन दक्षिण एसियामा हालसम्मकै बढी हो । पाकिस्तानमा नौजनाको कोरोनाको संक्रमणबाट मृत्यु भएको छ । पाकिस्तानमा विभिन्न भागमा लकडाउन घोषणा गरिएको छ । - रोयटर्स
