लन्डन । विश्वभरका मुलुकहरुले सुरुआतदेखि नै सावधानी अपनाउन सक्यो भने नोभेल कोरोना भाइरसको संक्रमणबाट तीन करोड मानिसहरुको ज्यान जोगाउन सकिने लन्डनस्थिति इम्पेरियल कलेजको एक अध्ययनले जनाएको छ ।
कोरोना रोकथाम र नियन्त्रणका लागि कडा सावधानी अपनाउन आवश्यक रहेको इम्पेरियल कलेजको अध्ययनमा संलग्न अनुसन्धानकर्कताले जनाएको छन् । उक्त अध्ययनले यदि पूर्ण सावधानी अपनाउन सकिएन भने यस वर्ष चार करोड मानिसको मृत्यु हुनसक्ने जनाएको छ ।
तर, सामाजिक दूरीले करिब आधा मानिसहरुको ज्यान जोगाउन सकिनेसमेत अध्ययनले सुझाएको छ ।
अध्ययनमा भनिएको छ, "यदि सुरुआती चरणमा सावधानी अपनाउन सक्यौं, परीक्षण गर्न सक्यौं, संक्रमति र संक्रमणको लक्षण देखिएका व्यक्तिलाई आइसोलेट गर्यौं र सामाजिक दूरी कायम गर्न सक्यौं भने ३८.७ मिलियन मानिसको ज्यान जोगाउन सकिन्छ ।
तर, विकासशील मानिसहरु कोरोना संक्रमणबाट बढी प्रभावित हुने अध्ययनले सुझाएको छ । उक्त अध्ययनले २०२ मुलुकमा महामारीको स्वास्थ्य असरका बारेमा अध्ययन गरेको थियो । - बीबीसी