एजेन्सी । दक्षिण अफ्रिकामा तीन साता लकडाउन हुने भएको छ । कोरोना भाइरसको सम्भावित जोखिम कम गर्न राष्ट्रपति सिरिल रामाफोसाले लकलाउन घोषणा गरेका हुन् ।

रामाफोसाले भिडियो सन्देशमार्फत् बिहीबार मध्यरातदेखि २१ दिने लकडाउन घोषणा गरे ।

कोरोना भाइरसको संक्रमणमार्फत् मानवीय मूल्य चुकाउनुपर्ने विषयलाई ध्यानमा राख्दै लकडाउनको घोषणा गरिएको उनले बताएका छन् ।

दक्षिण अफ्रिकाले यसअघि कोरोनालाई राष्ट्रिय प्रकोप घोषणा गरेको थियो । त्यसयता एकसातामा कोरोनाबाट संक्रमण हुनेको संख्या ६ गुणाले बढेको छ । कोरोनाले राज्यमा धेरै संख्यामा रहेका रोग प्रतिरक्षा क्षमता कम भएका नागरिकलाई प्रभाव पारेको बताइएको छ । दक्षिण अफ्रिकामा एड्स र टीबी रोगीको संख्या ठूलो छ । –सीएनएन