विराटनगरको बसपार्क क्षेत्र ।
विराटनगर । सरकारले आह्वान गरेको लकडाउनमा विराटनगर सुनसान देखिएको छ । विराटनगरका मुख्य चोक तथा गल्ली पनि सुनसान छन् । यातायातका साधन चलेका छैनन् । मुख्य सडकमा सुरक्षाकर्मीका सवारी र एम्बुलेन्स गुडेको देखिन्छ । पसल बन्द छन् ।
सहरका भित्री भागमा भने मानिस घरबाहिर निस्किएको देखिन्छ । विराटनगर महानगरपालिकाले सञ्चारमाध्यममार्फत घरबाहिर ननिस्कन र भित्रै बस्न आह्वान गरेको छ ।
विराटनगर-पोखरीया सडक ।
अति आवश्यक पर्ने दैनिक जीवनयापनका वस्तु तथा औषधि खरिद गर्नबाहेक अरू काममा बाहिर नआउन महानगरपालिकाले सूचना जारी गरेको हो । विराटनगरको गुद्री बजारमा मानिसको अधिक समूह देखिएपछि नेपाल प्रहरीले उनीहरूलाई हटाएको छ । समूहमा जम्मा नहुन र हुलहुज्जत नगर्न प्रहरीले आग्रह गरेको छ ।
सुनसान बनेको चाँदनी चोक विराटनगर ।
हाटखोला विराटनगर ।
मोरङको कानेपोखरी सडक खण्ड ।