काठमाडौं । बिराटनगरस्थित रानीभन्सार दुवैतर्फबाट सिल भएको छ । नेपाल सरकारले सबै सिमानाका एकसाताका लागि बन्द गर्ने निर्णय गरेसँगै भारतको अररिया जिल्लाले जोगवनीस्थित नाका भारतीय पक्षबाट पनि सिल गर्न निर्देशन दिएको हो ।
जिल्ला पदाधिकारीले दिएको आदेशअनुसार भारतको जोगवनी सहित अररिया जिल्लाका सबै खुला सिमाना मार्च ३१ सम्म सिल हुनेछ ।
विहारका मुख्यमन्त्रीले भिडियो कन्फेरेन्समार्फत दिएको सहमतअनुसार अररियाले आफ्नोतर्फबाट नाका बन्द गर्ने निर्देशन दिएको हो ।
जिल्लाको आदेशमा भनिएको छ, "हामीलाई यो जानकारी आयो कि नेपाल सरकारले कोरोनाको सम्भावित जोखिम मध्यनजर गर्दै जोगवनी स्थित बोर्डर सिल गरेको छ । यो अवस्थामा भारतले पनि नाका सिल गर्नु आवश्यक छ किनकि कोरोना संक्रमणको रोकथाम गर्ने उपाय अपनाउनु जरूरी छ ।"