काठमाडौं । नेपाली कथानक चलचित्र ‘२ नम्बरी’को छायांकन स्थगित भएको छ । पोखरा आसपासका क्षेत्रमा फागुन २९ गतेबाट छायांकन सुरु भएको चलचित्रको सुटिङ आजबाट स्थगित गरिएको हो ।
३५ दिनको सेड्युल तयार पारेर सुरु गरिएको चलचित्रको छायांकन कोरोना भाइरसको जोखिमका कारण स्थसगित गरिएको हो ।
अवस्था सामान्य भएपछि बाँकी छायांकन गरिने निर्देशक दीपेन्द्र लामाले जानकारी दिएका छन् ।
चलचित्र निर्माता संघले कोरोना भाइरसका कारण तत्काल चलचित्र छायांकन नगर्न भने पनि ‘२ नम्बरी’ले छायांकन सुरु गरेको थियो । संघले निर्माताहरुसँग छलफल नगरी निर्णय गरेकाले उसको आग्रह मान्ने पर्ने वाध्यता नरहेको बताउँदै निर्देशक लामाले छायांकन सुरु गरेका थिए ।
‘२ नम्बरी’मा भुटानी अभिनेत्री उगेन छोदेनले अभिनेता दयाहाङ राईसँग स्क्रिन सेयर गर्दैछिन् । उनले चलचित्रमा भुटानी नागरिकको भूमिका निर्वाह गर्नेछिन् ।