काठमाडौं । विभागीय क्लब नेपाल पुलिस र आयोजक न्यु डायमण्ड क्लब खुला महिला भलिबल प्रतियोगिताको सेमिफाइनलमा प्रवेश गरेका छन् । 

ढोरपाटन स्पोर्टसमाथि ३-० को सोझो सेटमा जित निकाल्दै पुलिसले सेमिफाइनलमा स्थान बनाएको हो । नयाँबर्सपार्कस्थित ढोरपाटन प्रशिक्षण केन्द्रमा पहिलो सेट २५–१२ ले जितेको पुलिसले दोस्रो सेटमा केही सङर्घष गर्नुपर्‍यो ।

प्रतिस्पर्धात्मक दोस्रो सेट २७-२५ ले आफनो पक्षमा पारेको पुलिसले तेस्रो सेट २५-१० ले जितेको हो । जितसँगै सेमिफाइनलमा स्थान बनाएको पुलिसले समूह विजेताका लागि आयोजक न्यु डायमण्डसँग खेल्नेछ । 

यस्तै बिहीबार भएको अर्को खेलमा ढोरपाटनमाथि नै जित निकाल्दै न्यु डायमण्डले सेमिफाइनल यात्रा तय गरेको छ । डायमण्डले ढोरपाटनलाई २५-५,२५-१२ र २५-११ ले पराजित गरेको हो । समुह ‘बी’ मा रहेका यी दुई टोलीबीचको खेल बुधबार वर्षाका कारण स्थगित भएको थियो । 

तस्बिर : सुनिल प्रधान