छत्तिसगढ । छत्तीसगढस्थित नारायनपुर जिल्लाको काडेनार क्याम्पमा गोली प्रहार हुँदा छ जना इन्डो-तिब्बतियन सीमा प्रहरीको मृत्यु भएको छ । बुधबार बिहान आपसमा विवाद हुँदा एक प्रहरीले क्याम्पभित्रै गोली चलाएका थिए । विवाद के थियो भन्ने कारण भने स्पष्ट भइसकेको छैन ।
घटनामा दुईजनाको घाइते भएका छन् ।
बस्टर रेन्जका प्रहरी इन्सपेक्टर जनरल सुन्दरराज पीले समाचार एजेन्सी पीटीआईलाई एकजना प्रहरी जवानले आफ्नै साथीमाथि गोली चलाएको जानकारी दिएका छन् । उनका अनुसार नारायनपुर प्रहरी प्रमुख मोहित गार्ग घटनास्थल पुगेका छन् ।
३ सय ५० किमिमा रहेको उक्त क्याम्पमा ४५ औं बटालियन रहेको छ ।
इन्डो-तिब्बतियन सीमा प्रहरी सन् १९६२ को भारत-चीन युद्धपछि स्थापना गरिएको भारतको पाँचौं बिरयताको अर्धसैन्य प्रहरी बल हो । - इण्डियन एक्सप्रेस