काठमाडौं । प्रधानमन्त्री केपी शर्मा ओलीले आफ्नो स्वास्थ्यबारे अफवाह फैलिएपछि शय्याबाट भिडियो सन्देश पठाएका छन् ।

मनमोहन कार्डियोथोरासिक तथा भास्कुलर सेन्टरमा एपेण्डिसाइटिसको शल्यक्रिया पश्चात आइसीयूमा उपचार गराइरहेका प्रधानमन्त्रीको आठौंपटक डायलाइसिस पनि गरिएको छ ।

बिहीबार भिडियोमार्फत प्रधानमन्त्री ओलीले भनेका छन्, “म मेजर अप्रेसनपछि पनि बोल्न सक्ने भएको छु । सबैसँग कुरा गर्न सक्ने भएँ । समाचार हेर्न सक्ने भएँ ।  हिजो मैले १३ औं सार्क सम्मेलन उद्घाटन हेरेँ । हुन सक्छ कि सक्दैन भन्ने दुविधा समाप्त भएकामा खुसी लाग्या छ । हेर्न सक्ने भएँ । राष्ट्रपतिज्यूलाई साग उद्घाटन गर्नुभएकोमा अरू सबैलाई सहभागी हुनुभएकोमा धन्यवाद भन्न चाहन्छु । मैत्रीपूर्ण खेलबाट देशको इज्जत अगाडि बढाउन र क्षेत्रीय मित्रता अघि बढाउन सार्क क्षेत्रका खेलाडीलाई आग्रह गर्न चाहन्छु ।”

मेरो स्वास्थ्य अवस्थाको बारे जानकारी pic.twitter.com/ZNWiXtv0y2

— KP Sharma Oli (@PM_Nepal) December 2, 2019

उनले एपेन्डिसाइटिस कसैलाई समय र सूचना दिएर नआउने बताउँदै भनेका छन्, “यो अचानक आइलाग्छ । मलाई अचानक अप्रत्यासित रूपमिा आइलागो । त्यसमा इन्फेक्सन भएछ । त्यसमामत्र इन्फेक्सन सीमित भएको निकालेर फाल्दा हुन्छ । बाहिर पनि सङ्क्रमण फैलियो । त्यसलाई पनि हटाउने पनि पर्‍यो । हप्ता-दश दिन लाग्ने भयो । स्वास्थ्यमा सुधार भएको छ,” उनले स्वास्थ्यमा चासो राख्ने सबैलाई । 

प्रधानमन्त्री ओलीले भिडियोमार्फत दिएको स्वास्थ्य सम्बन्धी जानकारी 

‘एपेण्डीसाइटिस भनेको कसैलाई समय र सूचना दिएर आउने रोग होइन । यो अचानक आइलाग्छ । मलाई पनि अप्रत्यासित रुपमा त्यसैगरी आइलाग्यो । त्यसमा इन्फेक्सन भएछ । र, त्यो बाहिर पनि फैलिएछ । त्यसमा मात्रै इन्फेक्सन सिमित भएको भए निकालेर फाल्न सजिलो हुन्थ्यो । बाहिर पनि इन्फेक्सन भएको हुनाले त्यो इन्फेक्सनलाई पनि हटाउनु पर्यो। त्यस कारण उपचारका क्रममा हप्ता दश दिन लाग्ने भयो । तर, मेरो स्वास्थ्य राम्ररी सुधार भइराख्या छ । एउटा मेजर अपरेशनपछि तपाईंहरु देखिरहनु भएको छ– मेजर अपरेशनपछि पनि म उठेर बोल्न सक्ने, साथीहरुसँग कुरा गर्न सक्ने अवस्थामा छु र समाचारहरु हेर्न सक्ने अवस्थामा छु । 

हिजो मैले १३ औं ‘साग’को उद्घाटन समारोह पनि पूरै हेरेँ । हुन सक्छ कि सक्दैन भन्ने दुविधा समाप्त भएकामा खुसी लाग्या छ । म राष्ट्रपतिज्यूलाई उद्घाटन गरिदिनु भएकोमा, अरु सबैलाई सहभागि हुनु भएकोमा धन्यवाद भन्न चाहन्छु । मैत्रीपूर्ण खेलबाट देशको इज्जत अगाडि बढाउन र क्षेत्रीय मित्रता अगाडि बढाउन म नेपाली खेलाडीहरु र सार्क क्षेत्रका खेलाडीहरु, सबैलाई आग्रह गर्दछु ।’ 

–केपी शर्मा ओली
प्रधानमन्त्री
(मनमोहन कार्डियोथोरासिक भास्कुलर तथा ट्रान्सप्लान्ट सेन्टरको आइसीयू कक्षबाट)