काठमाडौं । आउँदो मङ्सिर ६ गतेबाट प्रदर्शनमा आउने चलचित्र ‘च च हुई’ को क्यारेक्टर पोस्टर सार्वजनिक गरिएको छ । चलचित्रको गीत र ट्रेलर सार्वजनिक गरिसकेपछि  क्यारेक्टरलाई थप चिनाउन निर्माण टिमले क्यारेक्टर पोस्टर सार्वजनिक गरेको हो । 

चलचित्रमा मुख्य चार क्यारेक्टर प्रेम (आर्यन सिग्देल), भोला (भोलाराज सापकोटा), संगीता (मिरुना मगर) र श्यामलाल (माओत्से गुरुङ)को क्यारेक्टर पोस्टर सार्वजनिक गरिएको हो । 

पछिल्लो समय लभ स्टोरी जनरका फिल्ममा देखिदै आएका अभिनेता आर्यन सिग्देलको रम–कम जानराको चलचित्रमा देखिएका हुन् । दुई बेकनमे युवाको जीवनमा एउटा किताबले ल्याउने उतारचढावलाई चलचित्रमा चित्रण गरिएको छ ।

साम्तेन भुटियाको निर्देशन रहेको चलचित्रमा आर्यन, भोला, मिरुनासँगै पुस्कर गुरुङ, आर्जेस रेग्मी, बबिता मल्ललगायतको अभिनय रहेको छ ।