साहित्य
काठमाडौं । साइन्स फिक्सनमा आधारित नेपाली चलचित्र ‘बिजुली मसिन’ यही भदौं ३१ गते बाट प्रदर्शनमा हुने भएको छ । नेताहरुले नगरे नयाँ पुस्ताले गर्छ र चाहे गर्न सकिन्छ भन्ने सन्देश रहेको चलचित्रको मुखय विषय बिजुली रहेको छ ।
नविन अवलाले निर्देशन गरेको चलचित्र ‘बिजुली मसिन’ यथार्थ घटनामा आधारित चलचित्र हो । “एउटा समसामयिक र यर्थाथ घटनामा आधारित चलचित्र हो यो,” निर्देशक अवलाले भने,“ आवाजबाट बिजुली निकाल्छु भन्दा परिवार, कलेजले पत्याउँदैन । राज्यको त कुरै नगरौं । यो राज्यलाई चुनौति पनि हो ।”
सिनेमामा आवाजबाट बिजुली निकाल्ने प्रयासमा विद्यार्थीले गरेको संघर्षलाई चित्रित गरिएको छ । “साइन्स फिक्सनमा आधारित सिनेमा हो यो । यति धेरै स्रोत हुँदा पनि हामीले चाहिने जति बिजुली निकाल्न सकिरहेका छैनौं । यो राज्यलाई सटायर हो,” साइन्सका विद्यार्थीसमेत रहेका उनले हावा, घाम र पानी बाट नभए पछि आवाजबाट विजुली निकाल्छु भनेर अघि बढेका हुन्छन् । उनीहरुले धेरै गर्न नसके पनि थोरै विजुली निकालेर एउटा गाउँलाई उज्यालो बनाउँछन् ।”
अभिषेक सुवेदी, जीवन अधिकारी र रेलिजा श्रेष्ठको डेब्यु रहेको चलचित्रमा राजेश हमाल, लक्ष्मी भुषाल, बुद्धि तामाङको मुख्य भुमिका छ । वान पर्सेन्ट नामक सर्ट मुभि बनाएका नवीनले रेडबुल, कृषी विकास बैंक, सिजी सिमेन्ट लागायतका विज्ञापन उनले नै बनाएका हुन् ।
प्रकाशित मिति: आइतबार, साउन १६, २०७३ १५:४७
प्रतिक्रिया दिनुहोस्