नयाँ दिल्ली । भारतका पूर्वगृहमन्त्री तथा अर्थमन्त्री पी चिदम्बरमलाई भ्रष्टाचार आरोपमा केन्द्रीय जाँच एजेन्सी(सीबीआइ) ले बुधबार राति  गिरफतार गरेको छ । उनलाई आज विशेष अदालतमा पेश गरिने भएको छ ।  हाइकोर्टमा उनलाई अग्रिम जमानत नभएपछि गिरफतार गर्ने अवस्था उत्पन्न भएको हो ।  उनले बुधबार साँझ स्थानीय समयअनुसार सवा ८ बजे पत्रकार सम्मेलन गरेर आफू माथि लागेको आरोपको खण्डन गरेका थिए । 

उनलाई बुधबार राति सीबीआइले गिरफतार गरेर आफ्नो मुख्यालयमा लगेको थियो । सीबीआइले उनका छोरा कार्ति चिदम्बरमलाई पनि सोधपुछ गर्न सक्ने जनाइएको छ ।  उनी अहिले भारतको राज्य सभाका सांसद पनि हुन् । उनी आइएनएक्स मिडिया मामिलामा अभियुक्त बनाइएको छ । (बीबीसी)