एजेन्सी । एन्टोनी ग्रिजम्यान बार्सिलोना आउने चर्चा निकै पहिलेदेखि चलिरहेको छ । स्पेनिस क्लब एट्लेटिको मड्रिडमा सफल फुटबल जीवन बिताएका उनले ला लिगा च्याम्पियन बार्सिलोनामा आउने कुरा चलेको हो ।
बार्सिलोनाले केही दिनमा नै ग्रिजम्यानको रिलिज क्लज १२० मिलियन बुझाउँदै क्लबमा अनुबन्धन गर्ने तयारी गरेको स्पेनिस मिडिया मार्साले बताएको छ । उनलाई क्लबले केही दिनमा नै अनुबन्धन गराएर बार्सिलोनाको घरेलु मैदान क्याम्प नाउमा प्रस्तुत गर्ने बताइएको छ ।
सन् २०१८ को समरमा बार्सिलोनामा आउने हल्ला भएपनि ग्रिजमान एट्लेटिको मड्रिडमै रहने निर्णय गरेका थिए । भर्खरै मात्र एट्लेटिको मड्रिड छाडेका ग्रिजम्यानले बार्सिलोनामा आउने चाहना देखाएका थिए ।
२८ वर्षीय फ्रान्सका स्टार खेलाडी ग्रिजम्यानले सन् २००९ मा रियल सोसिडाडबाट क्लब करियरको सुुरुवात गरेका थिए । उनी सन् २०१४ मा  एट्लेटिको मड्रिडमा आएका थिए । ६ वर्ष क्लबमा आबद्ध हुुनेगरी क्लब र ग्रिजमानबीच सम्झौता भएको थियो । सम्झौता अनुुसार अझै एक वर्ष बाँकी रहेको छ ।